الشروط والأحكام

بينك — إنت أو الشركة اللى بتفتح المساحة — وبين Rplya.

باستخدامك Rplya إنت موافق على الشروط دى.

• لازم تكون ١٨ سنة أو أكتر ومخوَّل تمثّل النشاط
• بياناتك عند التسجيل لازم تكون صحيحة
• إنت مسؤول عن كلمة السر وعن كل اللى بيحصل من حسابك
• تقدر تضيف أعضاء فريق وتدّيهم صلاحيات، وتفضل مسؤول عن تصرفاتهم جوّه مساحتك

• الخدمة بباقات، وكل باقة ليها حدود واضحة: قنوات ومستخدمين وعملاء ومحادثات وفواتير وردود ذكاء اصطناعى
• لما توصل حد القنوات أو المستخدمين أو العملاء، الإضافة بتتوقف لحد ما ترقّى — دى أعداد ثابتة مابتتصفّرش مع الشهر
• ولما توصل حد الفواتير أو ردود الذكاء الاصطناعى فى الشهر، الإجراء بيتوقف لحد ما ترقّى أو تبدأ فترة جديدة
• أما عدّاد المحادثات فهو للعرض بس: بنوريهولك عشان تعرف إنت فين من باقتك، ومابنوقفش بيه رسالة جاية من عميل

مافيش بوابة دفع فى المنصة حالياً، فتفعيل الاشتراك وتجديده بيتم بالتنسيق المباشر معانا. ومعنى ده إن مافيش تجديد تلقائى ولا خصم تلقائى — إحنا أصلاً مش ماسكين أى وسيلة دفع ليك.

ولو خالفت ده: ممكن Meta أو Telegram يقفلوا رقمك — وده قرارهم مش قرارنا وإحنا مانقدرش نرجّعه. وممكن نوقف حسابك.

• ربط أى قناة بيخضع لشروط الطرف صاحبها — Meta أو Telegram — وهى فوق شروطنا
• Meta بتحاسب على رسايل القوالب المرسلة خارج نافذة الـ٢٤ ساعة على وسيلة الدفع المرتبطة بحسابك التجارى إنت، مش علينا
• ممكن يغيّروا قواعدهم أو أسعارهم أو يوقفوا خدمة، وده خارج سيطرتنا
• الرقم اللى بتربطه بيبقى ملكك، وتقدر تفصله وقت ما تحب

• مطفى افتراضياً، وبيشتغل بموافقتك الصريحة بس
• الردود الآلية بتتبعت باسم نشاطك، وإنت المسؤول عن محتواها
• الذكاء الاصطناعى بيغلط أحياناً — راجع ردوده، خصوصاً فى أى حاجة فيها سعر أو التزام أو موعد
• تقدر تطفّيه لأى محادثة أو للمساحة كلها فى أى وقت

تفاصيل البيانات اللى بتتبعت، وفين بتروح، فى سياسة الخصوصية.

• Rplya بتصدر الفاتورة وتتابع حالتها، وبتخليك تبعت تذكير بضغطة — ومابتحصّلش فلوس
• مافيش تذكير تلقائى بيتبعت لعميلك من نفسه؛ إنت اللى بتقرر تبعت وإمتى
• العميل بيدفعلك مباشرةً بوسيلته، وإنت اللى بتعلّم الفاتورة «مدفوعة»
• إحنا مش طرف فى المعاملة المالية بينك وبين عميلك، ومسؤولون عن عرض الفاتورة وتتبّعها بس

• بنبذل جهدنا إن الخدمة تشتغل باستمرار، بس مافيش ضمان بلا انقطاع — بيحصل صيانة وأعطال ومشاكل من مزوّدين تانيين
• مابنضمنش وصول أى رسالة، لأن التسليم بيعتمد على القناة نفسها وعلى العميل
• ممكن نغيّر أو نوقف مزايا، وهنبلّغك بالجوهرى منها قبلها

• المنصة وكودها وتصميمها ملكنا
• بياناتك وبيانات عملائك ملكك، ونستعملها لتشغيل الخدمة ليك بس
• تقدر تصدّر عملاءك وفواتيرك CSV من جوّه المنتج فى أى وقت. محتوى المحادثات مالوش تصدير ذاتى لحد دلوقتى — اطلبه منّا وإحنا نطلّعهولك

• لو حابب تقفل حسابك، ابعتلنا وإحنا بنقفل المساحة — مافيش لحد دلوقتى زرار «اقفل حسابى» جوّه المنتج
• وممكن نوقف الحساب فوراً لو فيه خطر أمنى أو إساءة استخدام واضحة أو مخالفة للبند اللى فوق

صدّر بياناتك قبل ما تقفل الحساب. ساعة ما المساحة تتقفل، الدخول عليها بيتوقف — فمافيش نافذة تصدير بعد الإغلاق.

• مسؤوليتنا محدودة بقيمة الاشتراك اللى دفعته
• مش مسؤولين عن أرباح فايتة ولا أضرار غير مباشرة
• مش مسؤولين عن قرارات Meta أو Telegram على حسابك
• مش مسؤولين عن محتوى مراسلاتك مع عملائك

والحدود دى مابتلغيش أى مسؤولية القانون المصرى مايسمحش باستبعادها.

الاتفاق ده بيخضع لقانون جمهورية مصر العربية، والمحكمة المختصة بتتحدد حسب القواعد المقررة فى القانون المصرى.

لو عدّلنا حاجة جوهرية، هنبلّغك قبلها بـ30 يوم على الأقل.

واستمرارك فى الاستخدام بعد التعديل معناه موافقتك عليه.